Buhari ya sauka daga kan mukamin sa kan karin fetur da wuta – NANS

Kungiyar dalibai ta kasa shiyya ta hudu (NANS) ta bukaci shugaba Buhari ya sauka daga mukamin sa sakamakon yadda aka samu Karin farashin man fetir a baya bayan nan ba.

Babban jami’in kungiyar Kowe Odunayo Amos ne ya bayyana hakan ta cikin wata sanarwar da ya fitar.

Sanarwar ta ce wannan kari ba komai yake nufi ba sai kara matsantawa yan kasar nan don kuwa a halin yanzu al’umma na cikin halin matsin rayuwa sakamakon yadda annobar corona ta illata tattalin arziki.

Sanarwar ta bukaci shugaba Buhari da sauran mataimakan sa da su sake duba kan Karin man fetur din, ko kuma su sauka daga makaman su.

Ta cikin sanarwar dai kungiyar ta ce Karin farashin zai zamo matsawa ga al’ummar kasa musamman yadda bangaren wutar lantarki suma suka kara farashin su.