Buhari zai sake ciyo bashin sama da Dala biliyan 4

Shugaban ƙasa Muhammadu Buhari ya buƙaci majalisar dattijai da ta amince masa ya ciyo bashin sama da Dala biliyan huɗu da yuro miliyan ɗari bakwai da goma.

Cikin wata takarda da shugaba Buhari ya aikewa majalisar dattijai na ɗauke da buƙatar ta sahale masa rancen kuɗaɗen.

Shugaban majalisar Sanata Ahmad Lawal ne ya karanta wasiƙar a zaman majalisar na yau Talata.

Wasiƙar ta bukaci majalisar ta amince da aro kuɗin kamar yadda ta amince aka ciyo bashin dala miliyan ɗari da ashirin da biyar a shekarar 2018 da 2020.

A cewar wasikar amincewar zai bada dama wajen ci gaba da ayyuka a ƙasar nan.