Buhari zai tafi London ganin likita.

Shugaban kasa Muhammadu Buhari zai bar gida Najeriya a yau talata don zuwa birnin London na Ingila don ganin likita.

Hakan na cikin wata sanarwa ce mai dauke da sa hannun mai bai wa shugaban kasa shawara kan harkokin yada labarai, Femi Adesina.

Sanarwar ta ce, shugaba Buhari zai gana da shugabannin tsaron kasar nan da safiyar yau talata, kafin daga bisani ya yi balaguron zuwa Ingila.

A cewar mista Adesina shugaba Buhari zai kuma dawo gida Najeriya ne a cikin mako na biyu na watan gobe na Afrilu.