Chanja farashi da Dala ke yi akai-akai yasa babu tsayayyen farashin kayayyaki a Kano-‘Yan kasuwar Kwari

ƴan kasuwa a nan Kano sun koka kan tashin gwauron zabin da Dalar Amurka ke yi.

Yayin wani taron manema labarai da wasu ƴan kasuwar Kantin Kwari su ka gabatar a ranar Lahadi, sun nuna fargabarsu kan yiwuwar durƙushewar kasuwanci matuƙar aka ci gaba da tafiya a haka.

Shugaban tawagar neman mafita tare da samar da sassauci ga ‘yan kasuwa a Kano Alhaji Adam Alhassan Muhammad, ya bukaci mahukunta su magance wannan matsalar.

‘‘muna kira ga mahunkunta masu ruwa da tsaki da su duba yanayin da ake ciki game da harkar dala duba tashin da ta yi da sa manayan ‘yan kasuwa da kananu suna cikin halin kakanakayi.’’

Ya kara da cewa a halin da ake ciki yanzu babu tsayayyen farashin kayayyaki sakamakon farashin dala.