Cibiyar kula da yanayin dausayin Kasa tace malaman gona sun yi karanci a wasu yankunan kasar nan

Cibiyar kula da yanayin dausayin kasa ta Najeriya, ta horas da ma’aikatan gona da manoma kan tafiyar da yanayin kasa a Najeriya.

Yayin bada horon shugaban hukumar bunkasa aikin gona ta jihar Bauchi Alhaji Abubakar Ja’afaru Ilelah, yace shirin yazo a lokacin da akafi bukatarsa la’akari da karancin Malaman gona da ake fama dasu a jihohin Bauchi da Gombe.

Yace taron zai taimakawa manoma su san yanayin kasarsu, da abin da zasu noma da kuma lokacin da za a noma harma da yanayin sinadarin da kasar ke bukata.