Covid-19: Mutumin da aka rika yada bidiyonsa a Kaduna ya rasu

Gwamnatin jihar Kaduna ta ce mutuminnan Tasi’u Muhammad aka rika yada bidiyon sa a kafafan sada zumunta cewa ya kamu da cutar Coronavirus ya rasu.

Cikin wata sanarwar da gwamnatin jihar Kaduna ta wallafa a shafinta na Twitter ta ce sakamakon gwajin da aka yiwa mutumin ya nuna cewa baya dauke da cutar Coronavirus.

Sanarwar ta kara da cewa Tasi’u Muhammad yana fama da hawan jini, kuma ya rasu ne a yayin da yake samun kulawa a cibiyar killace masu fama da cutuka masu yaduwa ta jihar Kadunan.