Coronavirus
Covid-19: Sanya “Face Mask” ya zama dole a Kano
Gwamnatin jihar Kano ta ce ta umarci kotun tafi da gidanka kan ta rika hukunta duk wadanda aka kama basa sanya takunkumin fuska don kariyar cutar Corona.
Gwamnan Kano Abdullahi Umar Ganduje ne ya bayyana hakan a yau lahadi lokacin da kwamitin kar ta kwana kan cutar Corona ke bayyana halin da Kano ke ciki kan cutar.
Ya kara da cewa domin dai kariyar alummar Kano daga cutar gwamnatin ta ke raba takunkumin kyauta a kananan hukumomi 44 da ke jihar ta Kano
Da yake jawabi Babban jamiin Kwamitin Kar ta akan cutar Corona Dr Tijjani Hussain yace ya zuwa yanzu an sallami mutum 32 da suka warke daga cutar.
Wakiliyar mu Zahrau Nasir ta ruwaito cewa Gwamnan a yau ya kuma ziyarci makarantar horar da masu wasanni dake karfi wacce zaa mayar da ita cibiyar killace masu Corona da kuma Inda ake yiwa jamian lafiya horar wa a Kura kan cutar.
Karin labarai:
Ganduje ya rabawa likitoci kayan kare kai daga Corona
You must be logged in to post a comment Login