Covid-19: Yan kasuwar sabon gari su rinka tsaftace kasuwar-Nuhu Indabo

Sarkin kasuwar Sabon gari Alhaji Nafiu Nuhu Indabo, ya yi kira ga mutanen dake gudanar da kasuwanci a kasuwar da su dage wajen kula da tsaftar guraren da suke gudanar da kasuwanci dake ciki da wajen kasuwar.

Nafi’u Nuhu Indabo ya bayyana hakan ne yayin da suke gudanar da Feshin maganin kashe kwayoyin cututtuka a masallatan da ke cikin kasuwar.

Alhaji Nafi’u Nuhu Indabo ya kuma ce Duba da irin hatsarin da cutar Covid-19 take dashi ne ya sanya suka gudanar da feshin dan kare lafiyar al’ummar dake shiga kasuwar dama ‘yan kasuwar.

Wasu daga cikin ‘yan kasuwar ta Abubakar Rimi sun bayyan farin cikin su bisa aikin feshin da akai musu.

Sun kuma yi kira ga gwamnati da hukumar NCDC da su dinga gudanar da feshi a cikin kasuwar Duba da yawan mutanan da take diba.