Da ɗumi-ɗumi: Saudiyya ta dakatar da jiragen Najeriya shiga ƙasar

Hukumomi a ƙasar Saudiyya sun dakatar da Najeriya shiga ƙasar sakamakon ɓullar sabuwar nau’in cutar Corona samfurin Omicron.

Shugaban hukumar kula da sufurin jiragen sama ta ƙasar Saudiyya ta tabbatar da hakan a wata sanarwar da ta fitar a ranar Laraba.

Sanarwar na dauke da sa hannun mataimakin shugaban sashin harkokin tattalin arziƙ da sufurin jiragen sama, Dr. Faisal Al Sugair, mai taken ”Dakatar da zirga-zirgar jiragen sama daga Najeriya zuwa Saudiyya”.

Hakan na zuwa ne kwanaki kaɗan bayan da kasar Canada, da Burtaniya suka tsawaita dokar hana Najeriya shiga cikin su.