Da ɗumi-ɗumi – Sheikh Aminu Daurawa ya ajiye muƙaminsa na Babban Kwamandan Hisbah a Kano

Babban Kwamandan hukumar Hisba a Kano Sheikh Aminu Ibrahim Daurawa ya ajiye muƙaminsa.

Da safiyar ranar Juma’a ne Daurawa ya wallafa wani bidiyonsa da ya yi cikakken bayani kan ajiye muƙamin.

Cikin bidiyon an jiyo Daurawa na neman afuwar Gwamna Abba Kabir Yusuf bisa abin da yayi na kuskure yayin aikin sa a hukumar Hisba.

“Allah ya sa ni ba ni da wani ƙudiri illa naga matasa sun samu tarbiyya da gyara irin na Musulunci, hakan ne ya sa na rinƙa kiransu muna tattaunawa don samar da gyara, muna da aljihuna na rinƙa ƙoƙarin kyautata musu” a cewar Daurawa.

Ya kuma ce “Ina Kaduna na samu bayanan da Gwamna ya yi a kan aikin mu, kuma hakan ne ya sa na yanke shawarar ajiye muƙamina muka ina godiya da damar da ya bani”.

A ƙarshe Daurawa ya yi fatan alkhairi ga Gwamnan.