Da ɗumi-ɗumi:Buhari zai naɗa sabon minista

Shugaban ƙasa Muhammdu Buhari ya miƙa sunan Mu’azu Jaji Sambo daga jihar Taraba gaban majalisar dattijai domin naɗa shi a matsayin sabon minista.

Shugaban majalisar dattawa Sanata Ahmad Lawan ne ya bayyana hakan lokacin da yake karanto wata takarda da shugaban ya rubutawa zauren a ranar Talata.

Shugaba Buhari ya buƙaci majalisar dattawa da ta tantance tare da tabbatar da Ma’azu Jaji domin naɗa shi a matsayin sabon minista.