Da dumi-dumi : Gwamnati ta bada hutun bukukuwan sallah babba    

Gwamnatin tarayya ta ayyana ranakun Alhamis 30 da Juma’a 31 ga wannan watan amatsayin ranar hutun babban sallah .

Ministan cikin gida Ogbeni Rauf Aregbesola ne ya sanar da hakan ta hannun babban sakatariya a ma’aikatar, Georgina Ehuriah.

Sanarwar ta ce, ministan na taya alummar musulmai ‘yan Najeriya dake gida da kasashen waje murnar zagayowar sallah babba, da kuma yin bukukuwan sallah lafiya.

Ka zalika ministan ya bukaci alumma da su kula da kan su wajen amfani da dokokin yaki da cutar Corona a ya yin bukukuwan sallah babba.

Rauf Aregbesola ya kara da cewar gwamnati mai ci ta shugaba Muhammadu Buhari wajen bin dokokin da aka shimfida da kuma samar da zaman lafiya a tsakanin al’ummar kasar nan