Da ɗumi-ɗumi: Gwamnatin Kano ta ƙara wa’adin hutun ɗalibai

Gwamnatin jihar Kano ta tsawaita wa’adin komawar dalibai Makaranta zuwa mako guda.

A cewar gwamnatin matakin kara wa’adin hutun ya biyo bayan gabatowar Azumi watan Ramadan da kuma bai wa iyayen su dama su shirya shiga Azumin.

Kwamishinan ilimi Malam Sunusi Sa’idu Kiru ne ya tabbatar da hakan ga Freedom radio.

Ya ce, a yanzu daliban kwana za su koma makaranta a ranar 18 ga watan Afrilu, yayin da daliban jeka-ka-dawo za su koma a ranar 19 ga watan na Afrilun 2021.