Dalilin da ya sa muka sayi Lionel Messi – Nasser Al-Khelaifi

Kungiyar kwallon kafa ta PSG ta ce ta na farin cikin daukar Lionel Messi da zai kasance da ita har tsawon kakar wasanni biyu masu zuwa.

Kungiyar ta bayyana Messi a matsayin gwarzon dan wasa kuma abin kwaikwayo ga kowa a ciki da wajen kwallon kafa.

Mamallakin kungiyar, Nasser Al-Khelaifi ya ce yanke shawarar kawo Messi na daga cikin manyan nasarorin da kungiyar ta taba samu.

Ya ce, kungiyar ta sayi dan wasan ne domin ‘yan wasan ta su samu gogewa tare da lashe kofuna masu yawa.