AFCON 2021: Gernot Rohr ya isa kasar Kamaru domin tattaunawa

Mai horas da kungiyar kwallon kafa ta Najeriya Super Eagles, Gernot Rohr ya isa birnin Yawunden dake kasar Kamaru don halartar taron karawa juna sani da hukumar kwallon kafa ta Afirka ta shirya.

Taron na zuwa ne yayin da aka kammala shirye-shiryen fitar da rukunin kasashe da za su fafata a gasar cin kofin Afirka ta shekarar 2021 da za ta gudana a kasar Kamaru.

Tunda fari dai an shirya fara gudanar da gasar ne tsakanin watan Yuni da Yulin shekarar 2021.

Sai dai yanzu haka an dage gasar zuwa watan Janairu da Fabarairun shekarar 2022 sakamakon rashin kyawun yanayi.