Dan tsami: Mutane 10 sun mutu a Kano an kwantar da 400 a asibiti

Gwamnantin jihar Kano ta ce akalla mutane goma ne suka mutu yayin da wasu dari hudu suke ci gaba da karbar magani a asibiti sakamakon shan lemo da ke dauke da sinadarin dan tsami.

Kwamishinan lafiya na jihar Kano Dr. Aminu Ibrahim Tsanyawa ne ya bayyana haka ta cikin wani faifan bidiyo da aka rabawa manema labarai yau anan Kano.

Ya ce, cikin wadanda suke karbar magani a asibitin, akwai wasu guda hamsin wadanda suka kamu da ciwon hanta.

Kwamishinan ya kuma shawarci jama’a da su guji amfani da sinadarin dan tsami a wannan lokaci na azumi, domin gudun ta’ammali da wanda ya gurba ce.