Dokar kare haƙƙin yara ta tsallake karatu na biyu

Dokar kare haƙƙin yara, ta tsallake karatu na biyu a zauren majalisar dokokin jihar Kano.

Dokar ta kai wannan mataki ne a zaman majalisar na Litinin din nan bayan da aka yi mata karatu na farko a ranar Talata.

Gwamna Dr Abdullahi Umar Ganduje ne dai ya aike wa majalisar takardar neman yin nazari kan ƙudurin tare da sahalewa dokar.

Da yake karanto wasu daga cikin sassan da dokar ta ƙunsa, shugaban masu rinjaye na majalisar Alhaji Labaran Abdul Madari, ya ce, dokar ta yi tanadin kare yara daga cin zarafi da wasu sauran batutuwa.