EFCC ta kama Babban Akanta Janar Malam Ahmed Idris

Hukumar yaƙi da rashawa ta ƙasa EFCC ta cafke babban Akanta Janar na ƙasa Ahmed Idris bisa zargin almundahanar kuɗi Naira Biliyan Tamanin.

Hakan na cikin wata sanarwa da hukumar ta wallafa a shafinta na Facebook.

Jami’an hukumar sun cafke shi a ranar Litinin bisa zargin karkatar da kuɗaɗen ta hanyar zuba jari a Kano da Abuja.

EFCC ta ce, ta kama shi ne saboda gaza amsa gayyatar da ta yi masa, kan zarge-zargen almundahana.