#EndSARS : Buhari ya gargadi masu zanga-zanga

Gwamnatin tarayya ta ja hankalin masu zanga-zanga a kasar nan da su kiyaye abinda zai kawo tashe-tashen hankula da sabawa doka.

Ministan tsaro Manjo Janar Bashir Salihi Magashi mai ritaya ne ya bayyana hakan lokacin da ya karbi bakuncin tawagar kungiyar yakin neman zaben shugaban kasa Muhammadu Buhari a Abuja.

Ya ce, ma’aikatar tsaron kasar nan a shirye ta ke ta ba da gudunmawa ta ko wane fanni na tsarin samar da tsaro a kasa, wanda hakan ba zai samu ba sai al’umma sun ba da goyon bayansu.

Ya kara da cewa kananan hukumomi 774 da ake da su a kasar nan cikin jihohi 36, ciki har da birnin tarayya Abuja, akwai bukatar ko wannensu ya yi amfani da dabarun da za su taimaka wajen tabbatar da tsaro a yankunansu.