Dalilan da suka sanya kotu ta umarci Baffa Babba ya bayyana a gabanta

Yau Litinin ne kotun majistare da ke gidan Murtala ta sanya, kan shugaban hukumar KAROTA Baffa Babba Ɗanagundi da ya bayyana a gabanta ko kuma ta ɗauki mataki a kansa.

Tun da farko dai kotun ta umarci Baffan ya bayyana a gabanta tun a ranar 30 ga watan Satumban da ya gabata, sai dai bai halarci zaman shari’ar ba, a don haka kotun ta ɗage shari’ar zuwa yau Litinin 19 ga watan Oktoba.

Idan zaku iya tunawa wani direban adaidata sahu ne dai ya yi ƙarar Baffa Babba da hukumar KAROTA kan zargin zamba cikin aminci.

To sai ku biyo mu a shirye-shiryenmu na gaba, domin jin yadda zaman kotun zai kasance.