Fargaba da rashin tabbas sun mamaye Najeriya – NLC

Kungiyar Kwadago ta ƙasa NLC, ta ce fargaba da rashin tabbas a yanzu sun mamaye ƙasar nan daidai lokacin da ƙasar ke bikin cika shekaru 61 da samun ƴancin kai.

Hakan na cikin wata sanarwa da ƙungiyar ta fitar don taya murnar zagayowar ranar samun ƴancin kai.

Shugaban NLC, Ayuba Wabba ya koka kan cewa Najeriya ta rasa abubuwa da dama da za su zamo madubi na ci gabanta.

Wabba ya kuma ce kamata yayi yadda Najeriya ke ci gaba da girma a same ta da abubuwan ci gaba fiye da tsammani.