Ganduje zai kammala aikin hanya a wasu garuruwa a Kano

Gwamnatin jihar kano ta jaddada kudirinta  na kammala aikin hanyar da ta tashi daga kanye, kabo, ta dangana da garin Dugabau

Kwamishinan kula kananan hukumomin na jihar Alhaji Murtala Sule Garo, ya sanar da haka a lokacin da yake duba aikin hanyar.

Kwamishinan ya shawarci al’ummomin garuruwan da aikin hanyar ya shafa da su hada kai da dankwangilar dake gudanar da aikin domin kammala aikin cikin nasara.

Tunda farko dankwangilar dake gudanar da aikin Hassan Fawaz ya tabbatarwa da gwamnatin jihar cewa zai yi duk mai yuwa wajen kammala aikin.