Gobara ta kone shaguna da dama a kasuwar Ƴan Katako ta Muda Lawan a Bauchi

Wata gobara da ta tashi a kasuwar Ƴan Katako da ke Muda Lawan a jihar Bauchi, ta kone shuguna da dama da kuma tarin dukiya.

Rahotonni sun bayyana cewa, gobarar ta tashi ne da misalin karfe 7:00 na dare kuma har zuwa yau ba a kai ga gano musabbabinta ba.

Wakilinmu Freedom Radio a jihar Suleman Ibrahim Modibbo, ya ruwaito cewa mutane da dama sun shiga tashi hankali la’akari da yadda gobarar ta rika ci.

haka kuma ya kara da cewa, sai dai jami’an hukumar kashe gobara sun yi ta yin iyakar bakin kokarinsu wajen ganin sun kashe wutar.