Gobara ta sake tashi a kasuwannin Kano guda biyu

Hukumar kashe gobara ta jihar Kano, ta tabbatar da tashin wata gobara a kasuwar sayar da Tumatir ta Dan Dabino da ke yankin karamar hukumar Bagwai.

Jami’in hulda da jama’a na hukumar PFS Saminu Yusuf Abdullahi, ne ya tabbatar da rahoton iftila’in ta cikin wani sakon murya da ya aike wa freedom Radio a daren Larabar Makon nan.

Ya ce, gobarar ta kone fiye da runfuna guda arba’in wadanda ake gudanar da kasuwanci a ciki.

Haka kuma, ya kara da cewa, wata gobarar ta tashin a wani gini da ake gudanar da kasuwanci a karamar hukumar Sumaila, inda ta kone fiye da shaguna guda bakwai.