Gwamnatin Kano zata sayar da bankunan kasuwancin ta guda 30

Gwamnatin Jihar Kano ta ce kofar ta a bude take ga duk masu San siyan hannun jarin bankunan ta na Bunkasa masana’antu wato Microfinance Bank.

Shugaban Kwamitin da Gwamnatin ta kafa dan siyar da bankunan Kuma tsohon kwashinan Kudi na Jihar Kano, Dakta Aminu Mukhtar Dan’amu shi ne ya bayyana haka a yayin taron tattaunawa da wasu daga cikin ‘Yan kasuwa da kuma kamfanoni.

Dakta Aminu ya ce gwamnatin ta tallata wadannan Bankuna guda 30 dan siyar dasu baki daya a bisa dokar Babban Bankin kasa na CBN na cewa a siyar da bankunan kasancewar gwamnati bata rike banki.

Shugaban ya Kuma ce bawai iya ‘Yan kasuwar Jihar Kano bane, suke da damar siyan bankunan ba, hatta sauran ‘yan kasuwa daga wajen Jihar Kano suna damar siyan bankunan na microfinance.