Gwamnatin Neja ta bukaci wanda sukayi gini akan hanyar ruwa da su tashi

Gwamnatin jihar Neja ta bukaci mazauna yankunan da suka gina gidaje a kan magudanan ruwa da su yi gaggawar tashi don kaucewa ambaliyar ruwa.

Mataimakin gwamnan jihar Yakubu Garba ne ya ba da umarnin a jiya Laraba yayin ziyarar duba wasu yankuna da ambaliyar ruwa ta shafa, biyo bayan mamakon ruwan sama da aka a kwanakin baya a jihar.

Ya kuma umarci hukumar raya birane ta jihar da hukumar bada agajin gaggawa NSEMA da hukumar kare muhalli NISEPA da su wayar da kan jama’ar da ke zaune a magudanan ruwan kan illar da ke tattare hakan.

Rahoton: Abdulkadir Yusuf Gwarzo