gwamnatin shugaba Buhari zata haramta shigo da shinkafa a wannan shekara

Shugaban kasa Muhammadu Buhari ya sanar da cewa gwamnatinsa za ta haramta shigo da shinkafa cikin kasar nan a cikin wannan sabuwar shekara da ta kama.

Shugaban ya fadi hakan ne ta cikin jawabin sabuwar shekara da ya yi wa ‘yan-kasa a safiyar yau Litini.

Haka zalika shugaba Buhari ya nuna jin dadinsa bisa yadda harkokin Noma suka bunkasa a kasar nan.