Gwamnatin Tarayya ta yi karin haske kan yanda ta ke zaɓar waɗanda za su ci gajiyar tallafin 50,000

Gwamnatin Tarayya ta yi karin haske kan yadda take zaɓen mutanen da za su amfana da tallafin kuɗi naira dubu hamsin, ƙarƙashin shirin agajin gaggawa da daidaita tattalin arzikin ƙasa, wato NERSI.

Wannan na zuwa ne yayin da ake ci gaba da biyan tallafin, inda wasu ’yan Najeriya ke neman ƙarin bayani kan yadda gwamnati ke tantance waɗanda suka cancanci samun tallafin.

Bayanan da ma’aikatar jin kai da dakile  talauci ta kasa ta fitar  sun ce ana bin ka’idoji wajan zabar wadan da suka cancanta su samu tallafin ne ta hanyar amfani da rajistar gidajen masu ƙaramin ƙarfi.

Sanarwar ta bayyana cewa ana tantance waɗannan bayanai ne domin tabbatar da cewa tallafin ya isa ga iyalai  waɗanda ke cikin mawuyacin hali.