Gwmanatin Kano ta sanar da daukaka kara kan bidiyon dala

Hukumar Karba korafe-korafe da yaki da cin hanci da rashawa ta Jihar Kano, ta sanar da daukar babban lauyan nan mai fafutikar kare hakkin dan Adam, Femi Falana a shari’ar hukumar da tsohon gwamnan jihar Kano Dr Abdullahi Umar Ganduje kan fefen bidiyon Dala.

Lauyan hukumar, Usman Fari ne ya bayyana daukar Femi Falana cikin shari’ar, bayan fara sauraron shari’ar wanda kuma kotu ta dage zuwa ranar 25 ga watan Yuli.

Dage zaman na zuwa ne bayan da lauyan Ganduje, Basil Hemba ya bukaci kotun ta bashi lokaci domin tattaro hujjojin da zai gabatar na kare tuhumar da ake yi wa wanda yake wakilta.