Harin NDA rashin hankali ne matuƙa – Lucky Irabor

Babban Hafsan sojin ƙasar nan janar Locky Irabor ya bayyana harin da aka kai kwalejin horar da sojoji a jihar Kaduna a matsayin rashin hankali.

Locky Irabor ya bayyana hakan lokacin da ya kai ziyarar gani da ido a kwalejin da kuma jajanta lamarin.

Ya ce, tuni rundunar tsaron kasar nan ta samu rahoton kalaman da yan Najeriya ke yi na cewa, sun saduda da sha’anin tsaro.

Hakan ce ta sanya ƴan bindiga suka shiga kwalejin horar da sojoji suka kashe wasu tare da yin garkuwa da wasu.

A cewar Locky Irabor, wannan ba zai kashe gwiwar jami’an tsaron Najeriya ba, na shawo kan matsalar, cikin ƙanƙanin lokaci.