Connect with us

Kiwon Lafiya

Hukumar EFCC ta gano tsabar kudi fiye da naira biliyan 2 da miliyan 400 a gidan tsohon babban hafsan saman kasarnan

Published

on

Wani shaida a karar da hukumar EFCC ta shigar gaban babbar kotun tarayya da ke Ikoyin Jihar Lagos Tosin Owobo, ya shaidawa Kotun cewa an gano tsabar kudi Naira biliyan 2 da miliyan 400 da Dala Miliyan 115 da gidaje 12 har ma da wasu Motocin Silke a hannun tsohon babban Hafsan Saman kasar nan Air Marshal Adeola Amosu mai ritaya.

Air Marshal Amosu na fuskantar tuhuma tare da wasu manyan jami’an Sojin Air Vice Marshal Jacob Adigun da Air Commodore Gbadebo Olugbenga.

Sauran wadanda ake zargin akwai kamfanoni 7 da su ka hadar da Delfina Oil and Gas Limited da McAllan Oil and Gas Limited, Hebron Housing and Properties Company Limited, sai Trapezites BDC.

Akwai Fonds and Pricey limited, Deegee Oil and Gas Limited da Timsegg Investment Limited da kuma Solomon Health Care Limited.

Sai dai Lauya mai kariya Bolaji Ayorinde ya musanta duk zarge-zaregen, inda kuma Alkalin kotun ya dage zaman Shari’ar har zuwa ranar 18 ga watan Afrilun gobe domin ci gaban Shari’ar.

 

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,500 other subscribers.

Copyright © 2019. Freedom Radio Group. All Rights Reserved.

error: Content is protected !!