Hukumar kula da aikin Hajji ta kara wa’adin biyan kudin aikin hajjin bana

Hukumar kula da aikin Hajji ta kasa NAHCON ta kara wa’adin yin rajista da kuma biyan kudin aikin hajjin  bana.

Daraktan tsare-tsare da bincike na hukumar Alhaji Sulaiman Usman ya shaidawa manema labarai cewa, tuni ya aika da wasika ga shugabanni da sakatarorin hukumomin jin dadin alhazai na jihohin kasar nan baki daya.

Ya ce a yanzu an kara wa’adin rajistan maniyyata zuwa ranar talatin ga watan da muke ciki na Yuni, yayin da kuma za a rufe website din hukumar adai wannan rana ta talatin ga watan Yuni.