Connect with us

Kiwon Lafiya

Wasu jami’an yan sanda 3 sun mutu sakamakon harin yan bindiga da ya rutsa da su a jihar Nassarawa

Published

on

Rundunar ‘yan sandan jihar Nassarawa ta tabbatar da mutuwar wasu jami’an ta uku, sakamakon harin wasu ‘yan bindiga da ya rutsa da su a kauyen Maraban-Udege da ke yankin karamar hukumar Nassarawa.

Jami’in hulda da jama’a na rundunar a jihar Nassarawa ASP. Sama’ila Usman ne ya bayyana hakan yau a Lafiya lokacin da yake ganawa da manema labarai, inda yace al’amarin ya rutsa da jami’an ‘yan sandan ne lokacin da suke kokarin sasanta rikicin da ya kunno kai tsakanin manoman Agatu da kuma wasu makiyaya.

Kakakin rundunar ‘yan sandan na jihar Nassarawa ya kuma ce yanzu haka rundunar ta baza jami’an ta karkashin jagorancin Kwamishinan ‘yan sandan jihar domin binciko wadanda ke da hannu a kisan jami’an ta.

Duk da cewa bai bayyana sunayen jami’an ‘yan sandan da suka rasa rayukan nasu ba, sai dai yace akwai mai mukamin sufeto da sajan da kuma kofur, tare da cewa yanzu haka an mika su dakin ajiye gawa da ke asibitin Lafiya.

Rahotanni sun ce jihar ta Nassarawa da makociyar ta jihar Benue na fama da rikicin manoma da makiyaya, lamarin da ke cigaba da jawo asarar rayuka da dama, inda Masana ke ganin hakan ka iya jawo matsalar yunwa sakamakon kalubalen noma abinci da ke barazanar tunkarar manoma saboda matsalar makiyaya.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 338,758 other subscribers.

Copyright © 2019. Freedom Radio Group. All Rights Reserved.

error: Content is protected !!