Hukumar NYSC ta kara wa masu yi wa kasa 3 wa’adi saboda aikata laifi

Hukumar kula da hidimar kasa wato NYSC ta kara wasu masu yi wa kasa hidima wa’adi sakamakon wasu laifuka da wasu masu yi wa kasa hidima su uku suka aikata a jihar Gombe.

Mai kula da shirin na yi wa kasa hidima a jihar Gombe Mr David Pwanidi Markson ne ya bayyana haka a yau a yayin bikin yaye masu yi wa kasa hidima rukuni “C” a jihar ta Gombe.

Ya ce daga cikin masu yi wa kasa hidima 1,153 wadanda suka kammala yiwa kasa hidima, guda takwas daga cikinsi sun samu lambar girmamawa, yayin da wasu hudu suka karbi takardar yabo sai kuma wasu uku da suka samu karin wa’adi na yiwa kasa hidima kafin a yayesu.

Mr Markson ya kara da cewa daga cikin masu yi wa kasa hidima wacce ta lashe mafi kwazo, mace ce mai suna Olabajo Damilola Racheal mai lamba GM/18C/1377