Iftila’i: An yi garkuwa da ƴan kasuwar Kwari sama da 20

Masu garkuwa da mutane sun sace ƴan kasuwar Kano sama da 20.

Rahotonni sun ce, an sace rukunin ƴan kasuwar Kantin Kwari a kan hanyarsu ta zuwa birnin Aba na jihar Abia.

Jami’in yaɗa labaran kasuwar Alhaji Mansur Haruna Ɗandago ya tabbatarwa da Freedom Radio faruwar lamarin.

A cewar sa, lamarin sun samu rahoton kuma sun sanar da hukumomin tsaro da gwamnati.

Karin labari:

Tsaro: Bayan shekara biyu an cafke wanda suka yi garkuwa da bature a Kano

Matsalar tsaro: Masu garkuwa da mutane sun sace wasu tare da ƙona motar jami’an tsaro a Kano

Ɗandago ya kuma ce, tuni suka kafa kwamiti domin yin addu’o’i kan Allah ya kuɓutar da su.

Wasu rahotonni dai sun ce, ƴan bindigar sun nemi a biya su diyyar kuɗi sama da miliyan 20, sai dai Ɗandago ya musanta labarin.

Zamu ci gaba da bibiyar wannan labari a nan gaba.