Izala ta ƙaddamar da fara dashen Bishiyu a jihohin Arewa

Ƙungiyar Izala ta ƙasa mai shalkwata a Kaduna ta ƙaddamar da shirinta na fara dashen itatuwa domin kare muhalli a jihohin Arewacin ƙasar nan.

Shugaban ƙungiyar na ƙasa Malam Abdullahi Balalau shi ne ya ƙaddamar da shirin a jihar Katsina. Ya ce, baya ga jihar ta Katsinan, ƙungiyar zata faɗaɗa shirin zuwa sauran jihohin arewacin ƙasar nan.

Malam Balalau ya ƙara da cewa, an gina birane ba tare da dashe ba, koguna suna gushewa hamada na gangarowa, ga ƙona daji, rayuwar mu na cikin hatsari.

Akwai barazanar cutuka su sake yaɗuwa, amma ta hanyar dasa itatuwa za a magance waɗannan matsaloli.