JAMB:ta kwace lasisin rubuta jarabawa a wasu cibiyoyi goma sha hudu

Hukumar shirya jarabawar shiga makarantun gaba da Sakandire ta kasa (JAMB), ta kwace lasisin rubuta jarabawa a wasu cibiyoyi guda goma sha hudu sakamakon masu matsaloli da aka samu musamman tangardar na’urori a cibiyoyin.

Shugaban hukumar ta JAMB Farfesa Ishaq Oloyede ne ya bayyana haka lokacin da ya jagoranci ministan ilimi Malam Adamu Adamu zuwa wasu cibiyoyin rubuta jarabawa da ke birnin tarayya Abuja, don sa ido kan yadda jarabawar gwaji ke gudana.

A cewar sa ya zuwa yanzu, cibiyoyi dari shida da casa’in da takwas ne suka ragewa hukumar don gudanar da jarabawar ta JAMB wanda za ayi tsakanin ranakun goma sha daya ga wannan wata zuwa goma sha biyar ga wata.

Shugaban hukumar ta JAMB ya kara da cewa, ya zama wajibi su soke lasisin da wasu daga cikin rubuta jarabawar ke da shi sakamakon rashin nagartar su.