Jami’ai 2 sun rasu a hatsarin tawagar mataimakin gwamna

A kalla mutane biyu ne suka rasu a wani hadarin mota da ya afku yayin da ayarin motocin mataimakin gwamnan jihar Sokoto Idris Gobir ke tafiya a jihar.

Rahotonni sun bayyana cewa, daga cikin wadanda suka rasa rayukansu, sun hadar da jami’in dan sanda guda da kuma mai daukar hoto mai suna Buhari Tanko.

Sai dai ya zuwa yanzu babu wani tabbaci daga rundunar ‘yan sandan jihar ta Sokoto dangane da faruwar lamarin.