Jami’an Indonesia da Thailand sun fara aikin zakulo mutanen da Ambaliya ta hallaka

Hukumomin Indonesia da Thailand sun fara aikin share tarkace domin lalubo ɗaruruwan mutanen da har yanzu ba a gani ba, bayan ambaliyar ruwa da zaftarewar ƙasa da ya kashe aƙalla mutum 480 a kudu maso gabashin Asiya. Ruwan sama mai ƙarfi ya mamaye yankunan Indonesia, Thailand da Malaysia a makon da mukai bankawana da shi, wanda ya bar dubban mutane a maƙale ba tare da mafaka ko kayan agaji ba.

Adadin waɗanda suka mutu a Indonesia ya ƙaru zuwa 316, yayin da 289 har yanzu ba a kai ga gano su ba, a cewar sabbin alƙaluman da hukumar jin ƙai ta ƙasar ta fitar.

A Thailand, bayanai sun tabbatar da cewa, aƙalla mutane 162 ne suka mutu, inda hukumomin da abin ya shafa ke ci gaba da aikin lalube.