Jam’iyyar APC a Jigawa ta kori shugaban ta – Munir Dauda

Alhaji Munir Dauda mai magana da yawun jam’iyyar APC a karamar hukumar Kazaure yace daga wannan rana sun kori shugaban jam’iyyar na karamar Hukumar sakamakon zargin batan dabo da wasu kudade sukayi da kuma wasu kayan jam’iyyar.

Hon Munir Kazaure ya kara da cewa daga rana irin ta yau basu amince ya kara kiran kansa a matsayin shugaban jam’iyyar ta APC ba sakamakon irin badakalar da suke zarginsa da aikatawa.

Ya kara da cewa akwai matsaloli masu tarin yawa da kunshin shugabancin nasa kedashi a jam’iyyance wanda kuma dama a baya sun kamashi da aikata irin wannan matsala.