Jigawa:mutane 19 ne suka rasa rayukansu sakamakon hatsarin mota

Mutum goma sha tara ne suka rasa rayukan su sakamakon wani hatsarin mota da ya rutsa da su a yankin karamar hukumar Gwaram da ke jihar Jigawa.

Rahotanni sun nuna cewa wadanda suka rasa rayukan su sakamakon hatsarin sun kone, har ta yadda ba’a iya gane fuskokin su, inda wasu suka samu munanan raunuka tare da wani karamin yaro.

A cewar rahotannin karamin ya tsira ne sakamakon cewa mahaifiyar shi yta jefo shi waje daga cikin mkotar, lokacin da ta kwace a hannun direban.

Motar kirar Bus dauke da mutane goma sha takwas da suka taso daga garin Katagun da ke jihar Bauchi, zuwa Ningi, domin halartar bikin aure, ta samu fashewar taya ne a dai-dai lokacin da take tsaka da tafiya, lamarin da ya sanya ta fara dungurawa tare da kamawa da wuta.

Kakakin rundunar ’yan sandan jihar jigawa SP Abdu Jinjiri ya tabbatar da faruwar al’amarin.