Mutane 10 sun mutu sakamakon hatsarin mota a Jigawa

Hukumar kiyaye afkuwar hadura ta Nijeriya FRSC, ta sanar da mutuwar mutane 10 tare da jikkatar karin mutum 12 sakamakon wani hadari da ya afku a jihar Jigawa.

Mai Magana da yawun hukumar a jihar Ibrahim Yahaya ne ya tabbatar da faruwar lamarin a Alhamis din makon nan.

Ya ce, motocin biyu kirar Golf da wata Bus da jummular su ke dauke da mutane 20 ne sunyi taho mu gama yayin da suke tuki bisa gudun wuce sa a.

Ya zuwa yanzu dai wadanda suka samu raunuka an kaisu asibiti, inda kuma kawo yanzu ba a bayyana lambobin motocin da suka yi hadarin ba.