Connect with us

Labaran Wasanni

Kano Pillars ta lallasa Delta Force da ci 6-1

Published

on

Kungiyar kwallon kafa ta Kano Pillars ta koma mataki na 10 a teburin gasar Firimiyar Nigeria, bayan da ta buga wasan makon na 7 na kakar wasanni ta bana.

Hakan ya biyo bayan lallasa Delta Force da ta yi da ci 6 da 1, a wasan da aka fafata a filin wasa na Sani Abacha dake Kofar Mata a birnin Kano.

Dan wasan Kano Pillars David Ebuka ne ya fara zura Kwallo a minti 3 da fara wasan, yayin da Abdullahi da Auwalu Ali Malam suka kara kwallaye a mintuna 22 da 53.

Dan wasan Delta Force Bala Yahuza , shine ya rama wa Delta Force, Kwallo daya tilo a Minti 57, kafin daga bisani Rabiu Ali da Chijioke Aleakwe, suka karawa Pillars kwallaye a mintuna 60 da 66 da 86, inda aka tashi daga wasa Kano Pillars na da ci 6 Delta Force na da 1.

An zabi Jagoran yan wasan kungiyar kwallon kafa ta Kano Pillars Kyaftin Rabiu Ali a matsayin gwarzon dan wasa.

Da yake zantawa da manema labarai Kyaftin Rabiu Ali ya ce, yanzu haka kungiyar ta dawo da karsashin ta, inda ya kara da cewa sun shirya tsaf don samun nasara a dukkanin wasannin da zasu fafata.

A nasa bangaren mai horar da ‘yan wasan kungiyar ta Kano Pillars Ibrahim Musa Jugunu, yace kungiyar ta dogara ne da addu’oin dumbin magoya baya da kuma, kokarin ‘yan wasan tare da irin rawar da jagororin kungiyar ke takawa.

Wakilinmu Aminu Halilu Tudunwada, ya ruwaito cewa wannan shi ne karo na farko a gasar firimiya ta bana da kungiyar ta Pillars ta yi wasa dan ‘yan kallo, bayan da a baya aka dakatar dasu shiga na wasanni uku sakamakon samun su da aikata ba dai dai ba.

Coronavirus

Ma’aikatan lafiya sun kamu da Corona a Jigawa

Published

on

Gwamnatin jihar Jigawa ta tabbatar da shigar Cutar Coronavirus cikin ma’aikatan lafiya a wasu asibitoci biyu dake jihar.

Kwaminshinan lafiya na jihar kuma shugaban kwamaaitin dakile yaduwar cutar ta Covid-19 a jihar, Dr. Abba Umar ne ya bayyana hakan ga manema labarai.

Dr. Abba ya ce asibitocin da abin ya faru sun hada asibitin Rashid Shakoni dake Dutse sai kuma asibitin gwamnatin tarayya dake Birnin Kudu (FMC-BKD).

Dr. Abba ya kara da cewa na Rashid Shakoni din sun dauki cutarne a wurin wata mai juna biyu da aka kawota daga karamar hukumar Miga wadda bayan ‘yan kwanaki ana bata kulawa, alamu suka nuna tana dauke da cutar Covid-19 kamar yadda sakamakon gwajin da aka yi mata ya nuna wadda itace mutum na biyu da ta rasu sanadiyyar cutar a Jigawa.

Karin Labarai:

Ma’aikatan jinya 18 sun kamu da Corona a Kano

Ma’aikatan lafiya 14 sun kamu da Corona a Katsina

Ma’aikatan lafiya 7 sun kamu da Coronavirus a Borno

Haka abin yake a asibitin Tarayya na Binin Kudu can ma dai wani marar lafiyane ya kwanta, wadda daga karshe shima aka gwadashi ya kamu da cutar.

Wakilinmu Muhd Aminu Umar Shuwajo ya rawaito kwaminshinan na cewa tuni dukkan likitoci da jami’an lafiyar da suka kula da wadancan mutane an killacesu kuma harma an gano wasu daga ciki sun kamu da cutar, duk da har kawo yanzu yace basu gama kididdige ko jami’an lafiya nawa ne cutar ta shafa fa.

Wannan dai na zuwa ne yayinda ake ta samun rahotonnin jami’an lafiya dake kamuwa da cutar ta Covid-19 a sassa daban-daban na kasarnan.

A makociyar jihar Jigawan wato Kano kungiyar Likitoci ta kasa reshen jihar ta tabbatarwa da Freedom Radio cewa Likitoci 34 ne suka kamu da cutar a jihar zuwa makon da muke ciki.

Haka abin yake inda suma ma’aikatan jinya da unguzoma 18 suka kamu da cutar a jihar Kanon.

Ita ma jihar Katsina dake makotaka da jihar Jigawan gwamnan jihar Aminu Bello Masari ya tabbatar da cewa wasu jami’an lafiya a jihar sun kamu da cutar ta Covid-19.

Continue Reading

Labaran Kano

Kano Pillars ta jajantawa dan wasanta Rahakku .

Published

on

Kungiyar kwallon kafa ta Kano Pillars, ta mika sakon ta’aziyyar ta ga dan wasanta Rahakku Adamu, wanda dan sa Muhammad Rahakku, ya  rasu a ranar talatar data gabata.

A  wata sanarwa da kakakin kungiyar Rilawanu Idris Malikawa Garu, ya sakawa hannu kuma aka saka a shafin Twitter na kungiyar, sanarwar ta nuna alhinin dukkanin ‘yan tawagar kungiyar tare da mika ta’aziyyar su ga iyalin dan wasan.

Labarai masu alaka.

Kano Pillars ta samu nasara karon farko a kakar wasanni ta bana

Tsohon mai horas da Kano Pillars ya rasu

Haka zalika sanarawar tayi addu’ar samun rahama da dacewa ga marigayin.

Continue Reading

Labaran Wasanni

Covid- 19: Zamu dawo gasar Serie A Gabrielle Gravina

Published

on

 

Shugaban hukumar kwallon kafar kasar Italiya, (FIGC)Gabriele Gravina, yace zasu dawo karasa gasar kakar wasan bana na shekarar 2019/20.

An dai dakatar da gasar ta kasar Italiya,  a watan jiya, sakamakon bullar cutar Corona, wanda hukumar tace ba za’a dawo gasar ba har sai an tabbatar da kawar da cutar.

Gwamnatin kasar Italiya a baya, ta kara wa’adin killace al’umma da zirga zirga, zuwa ranar 03 ga watan Mayu, sai dai rahotanni daga kasar ta Italiya, sun tabbatar dacewar kungiyoyin gasar sun bukaci dawowa a cikin wannan watan don kammala gasar kakar bana, a cikin watan Yuli.

Wasu kungiyoyin basa goyon bayan dawowa cigaba da gasar, sai dai kuma Gravina yace akwai yunkurin dawo wa akan lokaci do cigaba da gudanar da gasar.

Labarai masu alaka.

Cutar Corona ta sa an dakatar da ‘yan kallo shiga wajen wasanni

An dakatar da gasar Firimiyar kasar Ingila sabo da-Corona

Fatan mu shi ne fara gasar da wuri,inji Gravina  don kammala ta kan lokaci  kasancewar rashin yin hakan  zai kawo koma baya kwarai da gaske

Zuwa yanzu haka cutar ta Coronavirus ta kashe mutum 114,170 a fadin duniya cikin mutum 1,851,400 da suka kamu da cutar.

Daga kasar ta Italiya an samu mutuwar mutum  19,890 a cikin mutane 156,360  da suka kamu da cutar.

 

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,276 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!