Kano Pillars za ta dawo filin wasanta na Ƙofar Mata – LMC

Hukumar shirya gasar cin kofin kwallon kafar firimiya ta Najeriya LMC ta ce Kano Pillars za ta ci gaba da wasa a filin wasan ta na Sani Abacha dake kofar Mata.

Babban Jami’i a hukumar Alhaji Salihu Abubakar ne ya bayyana hakan yayin ziyarar da suka kawo nan Kano a ranar Asabar 23 ga watan Oktoban da muke ciki ta 2021, domin duba halin da filin wasan yake ciki domin tunkarar gasar wasannin ta shekarar 2021/2021.

Alhaji Salihu Abubakar ya ce “Kano Pillars za ta ci gaba da wasannin ta na Firimiya a watan Nuwambar shekarar da muke ciki ta 2021″.

Ya kuma ce, “a zagayen da mukayi cikin filin wasan mun gamsu da yadda aka gudanar da gyare-gyare a cikinsa”.

Ya kuma ce dawowar Kano Pillars Kano domin ci gaba da wasannin ta zai taimakawa kungiyar da kuma gasar duba da yawan magoya bayan da Pillars din take dashi