Karbar na goro: ICPC ta cafke jami’an FRSC da laifin rashawa

Hukumar yaki da cin hanci da rashawa ta kasa ICPC ta cafke jami’an hukumar kiyaye hadurra kasa guda sha biyar bisa zargin su da karbar na Goro

An cafke jami’an ne yayin wani aikin hadin gwiwa na tsaro karkashin jagorancin hukumar ICPC.

An kama jami’an a ranar 12 ga watan Agustan 2021, a lokaci guda a jihohin Adamawa, Gombe, Ondo da Osun.

Wannan na cikin wata sanarwa da mai magana da yawun Hukumar ICPC Misis Azuka Ogugua, ya fitar Inda yace wannan aiki zai kawo karshen matsalar ayyukan cin hanci a hannun masu ababen hawa da wasu jami’an hukumar FRSC ke yi.