Kawu Sumaila: kafafun yada labarai abokan tafiyar mulkin dumukaradiyya ne

Tsohon mai taimakawa Shugaban kasa Muhammadu Buhari kan al’amuran majalisar wakilai ta kasa Kawu Sumaila ya bayyana kafafun yada labarai a matsayin abokan tafiyar da mulkin dumukaradiyya ako ina a Duniya.

Kawu Sumaila ya bayyana hakan ne yayin gudanar da rantsuwar sabbin shuwagabannin kungiyar wakilan kafafen yada labarai reshan jihar Kano wanda aka gudanar a yau Alhamis.

Kawu Sumaila, wanda ya kasance shugaban taron ya kuma kara da cewa ta hayar tsayayyar kafar yada labarai ne kadai za’a iya tabbatar da mulkin dumukaradiyya a kowacce kasa a duniya.

da yake gabatar da nasa jawabin, sabon shugaban kungiyar wakilan kafafen yada labarai reshan jihar Kano, Kwamared Ibrahim Garba Shu’aibu, ya ce a lokacin mulkinsa zai tabbatar da walwalar ‘ya ‘yan kungiyar tare da samar musu yanayin aiki mai kyau.

kungiyar ta wakilan kafafen yada labaran sun zabi Ibrahim Garba a matsayin Shugaba da Mustapha Hodi a matsayin sakatare da sauran su.