Labarai
Kannywood sun buƙaci shugaban ƙasa ya tabbatar da anyi adalci a shari’ar gwamnan Kano
![](https://freedomradionig.com/wp-content/uploads/2023/12/IMG_20231209_141929_344.jpg)
Wasu daga cikin jarumai a masana’antar Kannywood sunyi kira ga shugaban ƙasa Bola Ahmad Tinubu da ma’aikatar Shari’a ta ƙasa da su tabbatar da cewa anyi adalci a hukuncin zaben gwamnan Kano da kotun koli zatayi
Shugaban ƙungiyar ƴan Kannywood magoya bayan gwamnan kano Sani Musa Danja ne ya bayyana hakan a wani taron manema labarai da ya gudana a ranar Asabar 09 ga watan Nuwamba 2023 inda yayi kira da cewar shugaban kasa mutum ne mai mutunta kundin tsarin mulkin ƙasar nan.
“Sani Danja Ya kara da cewar al’ummar jihar Kano sun fito sun zabi gwamnan Abba Kabir Yusuf da kuri’u mafi rinjaye kamar yadda hukumar zabe ta tabbatar dashi, sai dai wasu kotuna na neman soke nasarar da al’ummar jihar kano suka samu.
Haka kuma sun buƙaci ayi duba da masalahar al’ummar jihar Kano domin ganin an tabbatar musu da zaɓin su na abin da suka za ɓa.
Kazalika in akayi duba da irin abubuwan da gwamnan jihar Kano Injiniya Abba Kabir Yusuf yake yi na aikace-aikace abin a yaba ne kuma abine da zai samarwa da jihar kano ci gaba a fannoni daban daban.
You must be logged in to post a comment Login