Ɗalibai 5,000 ne suka rubuta jarabawar tantancewa a jami’ar YUMSUK

Hukumar Jami’ar Yusif Maitama Sule ta jihar Kano bayyana cewa ‘Mata ne sukafi yawa cikin Dalibai dubu biyar da dari shida da suka zauna Jarrabawar tan-tance masu nemi gurbin karatu a Jami’ar da ta gudana yau Alhamis.

Mataimakin Shugaban Jami’ar Yusif Maitama Sule,Tijjani Rufai Buhari ne ya bayyana hakan lokacin da yake zantawa da manema labarai bayan duba yadda tantancewar ke gudana.

Malam Tijjani Rufai Buhari ya kuma Kara da cewar ‘har aka gama jarabawar ba’a samu rahoton wani dalibi ko daliba da aka samu da saba kaidojin da aka shimfida.

Wanda ya ce ‘hakan na nufin komai ya tafi yadda ake bukatarsa’.

A bangaren daliban da suka samu damar zana jarabawar sunyi fatan samun nasara yayin da jarabawar ta fito.

Freedom Radio ta ruwaito cewa hukumar Jami’ar ta ce ‘tana sa ran zata kammala duba Jarrabawar tantancewar tare da fitar da sakamakon cikin kwanaki biyar.

Rahoton: Abba Isa Muhammad