Kotu ta dakatar da Ganduje daga ciyo bashi

Babbar kotun tarayya da ke nan Kano ta dakatar da gwamnatin Kano daga ciyo bashin gina titin dogo.

Gwamnatin Kano dai ta shirya karɓo bashin ne daga wani banki da ke ƙasar China domin gina titin daga titin Murtala Muhammad zuwa kan Dawanau.

Ƙungiyar rajin tabbatar da daidaito da adalci ta CAJA ce ta shigar da ƙorafi a gaban kotun game da ciyo bashin.

Kotun ta yi umarni a dakatar da shirin ciyo bashin har zuwa kammala sauraron shari’ar.

Ku kasance da mu a shirin An Tashi Lafiya da ƙarfe 6 na safe domin jin ƙarin bayani.