Kotu ta musanta rahoton dakatar da zaben da bai kammalu ba a Tudun Wada

Babbar kotun jihar Kano ta musanta wani labarin kanzon kurege dake cewa kotu ta dakatar da zaben cike gurbi na Alhasan Ado Doguwa.

Mai magana da yawun rukunin kotunan jihar Kano Baba Jibo Ibrahim ya bayyana cewa ”labarin bashi da tushe domin babu kotun da ta bayar da odar dakatar zaben, dan haka yayi kira da ayi watsi da wannan labari domin bashi da tushe balle Makama.

A ranar 15 ga watan Aprilu ne dai hukumar zabe ta INEC zata gabatar da zabukan cike gibi a wuraren da aka samu matsaloli a fadin kasar nan,cikin wuraren da za a yi zaben har da Tudun wada mazabar da Hon Alhasan Ado Doguwa ke wakilta.

Rahoton: Nasir Salisu Zango